I HEART...

Monday, October 6, 2008

مدرسة الجزيرة .. والنظام




الأمن يحاصر مدرسة "الجزيرة" بالإسكندرية ويشتبك مع أولياء الأمور

اعتدت قوات الأمن التي تحاصر منذ ساعات الصباح الباكر مدرسة "الجزيرة" الخاصة بمنطقة العجمي بالإسكندرية على أولياء الأمور وأبنائهم لمنعهم من دخول المدرسة.

كانت قوات الأمن قد داهمت مدرسة الجزيرة الخاصة لرياض الأطفال ومرحلتي الابتدائي والإعدادي في الكيلو 19.30 طريق الإسكندرية مطروح أمس الثلاثاء قبل الإفطار وقامت بتشميعها بالشمع الأحمر والجنازير ووضع لافتةً على بابها تدعو أولياء الأمور بالتوجه للإدارة التعليمية لتحويل أوراق أبنائهم إلى مدرسةٍ أخرى. وفوجئت إدارة المدرسة في الصباح الباكر بقوات خاصة تحاصر المدرسة وتمنع أي شخصٍ من الاقتراب منها، وهو ما سبب حالةً من الاستياء وسط أولياء أمور الطلبة، تصاعدت بعد اعتداء الأمن عليهم. من ناحيته وصف طلعت فهمي صاحب المدرسة إغلاق المدرسة بأنه إجراء أمني تعسفي جاء دون سندٍ قانوني، خاصةً أن الدراسة بدأت بالفعل في المدرسة أمس الأول؛ وفقًا لما أقرَّه القانون للمدارس الخاصة من إمكانية بدء الدراسة قبل أو بعد المدارس الحكومية بأسبوع، ونظرًا لما اعتادت عليه إدارة المدرسة من التبكير ببدء الدراسة لاستغلال العام الدراسي بشكلٍ أفضل. وأكد أنه لا يقبل غلق المدرسة دون سبب، وأنه متمسك بحقِّه في ممارسةِ النشاط الدراسي بمدرسته؛ الأمر الذي دفعه إلى تقديم دعوةٍ قضائيةٍ لإلغاء قرار غلق المدرسة يُنظر غدًا أمام محكمة مجلس الدولة بالإسكندرية في العاشرة صباح يُذكر أن مدرسة "الجزيرة" شُيدت لأول مرة في منطقة أبو تلات بالإسكندرية، وتمت إزالتها بالجرافات بتهمة أنها مبنية بصورةٍ مخالفةٍ رغم أن منطقة العجمي كلها بُنيت بالمخالفة للقانون بدون ترخيصات، وقام الأمن باعتقال مدير المدرسة


إليكم الصور






وبقى ان نقول ...اليس من حق الطلبة ان يمارسوا تعليمهم بسلام ...اليس من حق اولياء الامور الاطمئنان على اولادهم فى مدرستهم ...اليس من حق الشعب ان يعيش فى سلام فى ظل تعنت الحكومة لكل ما هو اسلامى...
شارك معنا وارسل هذا الخبر لكل من تعرف حتى يرجع الحق لاصحابه....

Friday, August 29, 2008

ردت إلى روحي ... فهذا رمضان

رمضان .. وروحي .. رجعت ... هو ايه الحكاية بالظبط تعالوا نشووووووووف

الحكاية وما فيها اني كــــ

يلا نشوف ايه اللي حصل


قال لي صاحبي ذات يوم ... أخذت في روحي بل سرقت .. فقلت كيف .. قال لي : أخذتها وابتعت فقلت له في عجب :من ذا الذي يا ترى ؟؟ قال لي: محبو بتي.. فقلت له في عجب: من؟؟.....فرد علي مؤكدا: محبو بتي فقلت له : يا هذا كيف تؤخذ منك وهي ليست ملك لك ولا ملك لها هي ملك الملوك .. فقال لي : أعرف هذا ولكن روحي متعلقة بها .. فقلت: ويح الدنيا التي تفعل بنا هكذا.. اذهب فأوجد روح أخرى تعطيها إياه عند طلبة لها... فأستعجب من قولي وقال : كيف هذا ... فقلت: لا عجب في ذلك فهي أمانة أو دعك الله إياها وسيأتي يوم ويطلبها.. اذهب فأحسن الحفاظ على الأمانة وحاول أن تردها... فسكت مليا ثم انصرف وفي اليوم التالي: قال لي أعدت الأمانة.. فقلت له : كيف ؟؟ قال فكرت مليا ووجدت أنه لا يوجد غيره يملك روحي فاتخذت قرار أن أوقف كل شئ له لعله يبدلني خيرا منه وحينها فقط أحسست بأني قد ردت إلي روحي


وهنا انتهت الحكاية ... ولعل المعنى قد وصل اليكم ووصل اليكم ما اريد ان اعير اهتمامكم اليه

كلنا نعلم انه ما هي الا سويعات قليلة ويقبل علينا رمضان - فاللهم بلغنا رمضان - ولكن شياطيننا على يقين انها ستسلسل لمدة شهر كامل فلن تتركنا هكذا وتتركنا نهد ما بنته هي معنا خلال سنوات فستقوم بعمل مصيبة معنا قبل دخول رمضان ومصائبها كثيرة وعديدة ولها اشكال كثيرة ولكن أثرنا ان نتحدث في مشكلة يقع فيها كثير من شريحتنا نحن الشباب فقبل بدء رمضان ممكن ان يكون الانسان منا ليس له علاقة بأحد ثم ياتي الشيطان ويوقعه في علاقة بينه وبين واحدة مثلا - وهذا ما طرحناه - ثم يتركه وهو واثق انه سيعود بعد رمضان اليه وهو على يقين انه سيجده اسوأ مما كان ... لذلك احذر نفسي واخواني واخواتي وكل شبابنا نحن المسلمين من ان نقع في مثل هذه المكائد التي يحاول الشيطان ان يوقعنا بها .. فاللهم احفظني واحفظ كل شباب المسلمين .. اللهم آمييييين والله يقول الحق وعلى الله قصد السبيل ............. انتظرونا في رمضان بمفاجأت عديدة

Thursday, July 10, 2008

عندما تعبر الكلمات عن معانيها فتنكسر

عندما تعبر الكلمات عن معانيها فتنكسر



’’ رحيـــل ’’

صافرة تنبأ باقتراب الموعد ..

والمغادرون حقيبه ..

وذكريات ..

وبقايا تحمل الدموع ..

اي رحيل يكون وبالذكريات انـا سجيــــن ..

وتعود تلك الصافرة المزعجـه ..

فإلى الرحيل الكاذب ..



’’ غربــــه ’’

انــذار العذاب ..

و العنــوان ليس بغريب ..

فأين اجدها والاوراق مبعثره ..

والوحــــــده تلف الادراج المظلمــه ..

والطريق لا يبشــر وكم بين ارصفته ينذر ..

فاين انتــي يا انـــــا .. ؟؟



’’ قســـــوه ’’

جلاد يجيد لحـــن الالــم ..

والقوة عقل التفكير بــه ..

نبتــه جفت اغضان الرحمـه بهـــا ..

وارتحل المــاء وبمثله البشر .

.فاصبح وحده برفقــــة ايـــــام يائسه يابســه ..

.. ’’ فقـــــر ’’هل كان هو الاحتياج ..

ام رغبـه بالازدياد

..ام هو حال ..

( وتعذرت بي التكمــله )

..بــك الف لون ..

ولك الف طعم ..

فاي فقــر نعيش بهذا الزمــن .؟؟



’’ انتظــــار ’’

تكثر القارعــات ..

و يســود الصمــت ..

وقد ينطق احيــانــا ..

الثواني تساوت بالقرون ..

والدقائق بالدهور ..

والامـل رسم خط النهايه ..

وهي ما زالت تنتظـر .. فهل يحضــر ؟



’’غيبوبه ’’

فـــــن اللاوعــــــي ..

بتوقيع الاطبـــاء ..

والحقيقــة بذاك العقل الباطـن ..

ولكـن وقت الغفوة يطول ..

فهل يجوز ان وقعته حضــور؟ ..

وصدمته بالواقع ان يعود ..؟

ينعدم بي الجـــواب ..

فتلك غيبوبه الانتظــار المؤلم ..


’’ الهجــــر "

فحــــه طويت بخشونــه ..

خطوه اتخذت برعونـــه ..

ابواب افقلت بدمــــاء مغفل الحــــب ..

تلك لعبـــــة اجاد قلبك الفوز بهــا ..

واحترفت انــــا البكاء عليك ..

وتمردت اوراقي فهجرتك ..

المـ تعلم بعد ؟؟


’’ الحرمــــان ’’

جرداء هي تلك الارض ..

تزخر بجراح القلوب ..

لا نبض عنوانهــا ..

ولاحنــان يحتضنهـا ..

والحقــل في حطام هالك ..

فايــن يكون به من عطــاء ؟؟ ..

وحر الحرمــان وجعهــا في اشتداد



’’ تساؤلات ’’

عقل مجهـــد ..

ولســان يتلعثم ..

والتركيز في تشتت

.. افكــار في كل فلك تدور

.. والترقب لـ ( ج) يزداد ..

لا تكثر من طنينك .. واصمـــــــــــــــــــــــــت ..

Saturday, June 28, 2008

كل سنة وانتي طيبة يا مدونتي


يااااااااااا الله .. بجد مش مصدق انه مر على مدونتي التي استقريت عليها بعد كذا مدونة قبلها ... عام كامل .. مش مصدق عام كامل بصولاته وجولاته وزواره و تعليقات ومناقشات واصحاب جديدة وافكار اكثر وناس استفدت منهم وبقيت ازورهم ويزورني في مدوناتنا .. لكم تعلمت من هذا العالم الغريب .. بجد يا جماعة انا بحب التدوين جدا وان كنت مقصر شوية لكن بجد السنة اللي فاتت دي مليئة بالاحداث الكثير التي عكرت صفوي في ان اكتب واحرر واتابع واناقش واغطي ما يحدث من احداث .. ولكنه مضى بمره وحلوه و لكن أسأل الله تعالى ان يتقبل مني ومنكم .. وان يجمعني واياكم في فردوسه الاعلى .. آميييييييين يا رب .. وبجد انا سعيد جدا اني عرفت ناس كثير من هذا العالم التدويني الرائع ان استخدم بصورة صحيحة .. بجد بجد مش قادر اوصف فرحتي واليكم مدوناتي السابقة

حريتنا ... لشباب غاوي حرية ودي كانت بدايتي انا والمدون الحبيب عمرو سلامة صاحب مدونة لسه عايش صرخــــة ودي كانت تجربتي الثانية .... وبعدها دخلت في مرحلة عدم الاستقرار .. فقلت اعمل واحدة عاطفية وواحدة عامة ثم استقريت اني اعمل غاوي حرية اللي عيد ميلادها التدويني النهاردة.. والمدونة العاطفية اسمها

حكاية حب

بس بجد مدونة من الاخر .. ودي الجانب العاطفي في حياتي

وبعد هذا كله احب اقلكم عام سعيد وكل عام وانا وانتم الى الله اقرب وعلى طاعته ادوم

Sunday, June 22, 2008

بوست عاطفي شوية




يا صاحبة المشاعر الرقيقة .. بك أحيا .. عذرا لقد فضحني قلبي حينها لم أستطع أن ألزمه السكوت فحبي لكي هو عين الحقيقة إني أذكر كل ما مضى بالثانية والدقيقة وقتها كنتي معي أينما كنت بفكري .. بعقلي .. بقلبي .. بدمي فقد كنت أحس بدقات قلبك .. أحس بحبك .. بهمسك .. بنظراتك .. آيااااااا حلم تمنيته .


أذكر أول لقاء من الألف إلى الياء حينها تميزتي من بين الحضور برشاقة قوامك وانسيابك وعذوبة صوتك وسحر عيونك تميزتي بأجمل ما فيكي وهو حيائك يا ارق وأجمل الحضور .. لقد كنت اراقبكي واسرق النظر إليكي و أتتبع خطواتك فأستنشق عبق عطرك وأناجي قلبكي .. فأداعب مكان تواجد كي فقد كنت بلا إرادة أجد نفسي حواليكي .. أتمنى أن يلامس كفيكى ... فأنا لم اعد أحس بالحضور ، عندما تلتفين نحوي وتلتقي عينك بعيني يسحرني بريقها .. تأسرني أحداقها وتعصف بي أهدابها .. إذا إبتسمتي أرى اشراقة شمس الصباح ويكأنكي وردة من بين الورود تفوح بعطرها الفواح .. إذا مشيتي من بين الحضور أتلفت إليكي ويكأنكي ملاك من الحور .. أذا تحدثتي أو إبتسمتي أو حركتي أطرافك فالمكان بالكامل يهتز وترقص أركانه طربا ... آياااااا حلم تمنيته


. أتذكر يومها عندما تقدمتي نحوي ووقفتي أمامي وسألتني لماذا تلاحقني بنظراتك ؟؟ ماذا تريد ؟؟ .. لكني حينها وقفت أمامك في ذهول وقد احمر وجهي خجلا و ارتعشت يداي وتصبب راسي عرقا .. لا اعرف ماذا أقول !!!! ... حينها تبسمتي ومن هنا بداية الحكاية .. وأي حكاية .. فهذه حكايتي يا دمعة نزلتي من عيني


.
أنا

Thursday, June 19, 2008

حياتي كلها لله ... هي ايه الحكاية

حياتي كلها لله .. ولا مولى لنا الاه .. احب الله جل علاه ومن حبي له ....



الموضوع وببساطة شديدة انه في فريق اسمه حياتي لله .. وابتدأ من فترة صغيرة جدا .. بس بسم الله ما شاء الله فيه اقبال كبير من الشباب للمشاركة والعمل فيه .. الفريق ده ابتدا بتجمع 9 اعضاء من محبي الداعية مصطفى حسني وقالوا تعالوا نتجمع تحت الشعار ده ونحاول نحققه وحطوا اهداف للفريق ده وحطوا خطة زمنية والفريق بدا يكب ويكبر ويكبر وكل ده بفضل الله تعالى وبفضل مجهود شباب وبنات الفريق ... بصراحة الفكرة عجبتني أووي وبتحقق حاجات كثير الواحد كان محتاجلها منها الصحبة الصالحة العمل لدين الله باساليب مختلفة .. هي مش جديدة بس مبتكرة وفيه اضافات جامدة فقلت بلاش أستأثر بالمعرفة لوحدي واجي أقلكم لعلكم تستفيدوا وتعجبكم الفكرة زي العبد لله وتشاركونا الحلم ده وتشتركوا معانا في الفريق ده عشان نمشي مع بعض في طاعة الله وتحت مظلة العمل لله ... هتقولولي ايه الفرق بينه وبين اي فريق خيري او اي جمعية خيرية هقلكم انه الفريق ده بيفكر انه يكون افضل واقوى الفرق الخيرية على الساحة وده لينك الجروب بتاع الفريق على الياهووhttp://groups.yahoo.com/group/7yate_allah/ للي عايز يشترك فيه وده لينك المدونة الرسمية ( الصوت الاعلامي ) لفريق حياتي للهhttp://hayatyforallah.blogspot.com/ للي عايز يعرف اي حاجة عن الفريق .. بلا ادخلوا واعرفوا كل شئ عن الفريق وقولولي عجبتكم الموضوع ولا لا ... يلا مستنيكم يا حبايبي

Tuesday, June 10, 2008

بوست تقيل ... وحشتوني


حبايبي وحشتووووووووووووني جدا جدا جدا؛؛


وحشتني كمان المدونة جدا جدا


وحشتني الكتابة جدا


بس نعمل


إييه



بصوا يا جماعة البوست ده من اولها اهوه بنقول بوست من العيار الثقيل زي ما بيقولوا .. لانه مليان كلام كثير ومواضيع كثير .. فاستحملوني بقى

شوية ظروف على شوية مذاكرة على شوية انشغالات كده -- محتاجين فيها دعواتكم -- وعلى شوية حاجات كده برده لكن الحمد لله رجعت من تاني واحب اطمن كل من اتصل وبعت ايميلات انا بخير والحمد لله وعايش اهوه بفضل الله ومنته وبتنفس كمان الحمد لله .. في حين ان غيرنا مش عارف لا يعيش ولا حتى يتنفس في بلدنا وفي بلادنا هتقولولي ازاي هقلكم في بلدنا مصر وفي بلادنا اللي هي الدول العربية المغتصبة .. والله يا جماعة الواحد لما يقعد يفكر في اللي بيحصل ده ويتابع بيحس انه على عاتقه هم كبير وهم ما يتلم .. وفي وسط الضلمة دي تلاقي ربنا فتحلك طاقة نور لما تلاقي المجاهدين في كل مكان رافعين راية الاسلام لأخر قطرة دم فيهم ولما تلاقي في ارض الرباط - فلسطين - الشهيد تلو الشهيد والشهيدة تلو الشهيدة والعزة في عز الحصار والظلام الدامس الذي يعيشه قطاع غزة ولكن العزة لله وللمجاهدين .. عجبتني اوي فكرة عملية نذير الانفجار واثر فيه جدا كلام احد منفذي العملية وهو يقرأ وصيته وشوية يدمع وشوية يضحك ألا وهو الشهيد الحي زي ما عرف نفسه الشهيد الحي بإذن الله " أحمد أبو سليمان " وكنيته ابو خطاب فقد إرتقى الى ربه شهيدا وان من كرامة هذا الشهيد أن حفرت على احدى يديه لفظ الجلالة واضحة عند نزوله القبر أما بقى العجب العجاب اللي وقفت قدامه كده وتنحت وما بقتش عارف لا اتكلم ولا اعيط ولا افرحله ولا اي شئ اني لاقيت عمره لا يتجاوز ال22 سنة يعني تقريبا متوسط اعمار معظم المدونين وهو احدافراد القوة الخاصة لكتائب عز الدين القسام ..بجد حسسني بالعجز وحسسني باني جنبه مش حاجة .. بس بعدها تمنيت من ربنا سبحانه وتعالى الشهادة ... واتمنيت ان الحدود العربية اللي بين كل البلاد المسلمة العربية تزول وتندحر ونبقى سيف واحد على قلب رجل واحد ونزود عن مسرى نبينا الحبيب صلى الله عليه وسلم ... وفي النهاية اسيبكم تدعوا ربنا بجد انه يفتح الحدود لنزود عن ارضنا الحبيبة ارض الرباط فلسطين .. واليكم لينك الفيديو بتاع الشهيد أحمد ابو سليمان احد منفذي عملية نذير الانفجار
أما بقى الفترة اللي فاتت وما تناولته من احداث .. فأحب اقلكم اني أكثر حاجة كانت مضايقاني هي حاجتين موضوع انه مكتب الارشاد يتعين فيه خمسة اعضاء ولا ما يتعينش والناس تطلع تتكلم والصحافة تقول ان القيادة نفت ويطلع أحد الصحفيين ويكتب مقاله الشهير في الدستور واللائحة بتاع الجماعة و غيره وغيره مما قاله في مدونته او ما قيل في مدونات اخرى تتبع الاخوان او غيرهم والي بيطلع ينقد ويجرح وعمر ما جماعة الاخوان عرف عنها انها بتتبع هذه السياسة من اساسه والصحافة تاخد من كلام ده ومن كلام ده على اساس انه من مدوني الاخوان وانه فلان قال وفلان عاد ... بصراحة انا مش فاهم هو ايه اللي مضايق كل الناس في الموضوع ده دي حاجة خاصة بالاخوان عامة ومكتب الارشاد خاصة وقد ايه عجبني الدكتور / محمود عزت لما طلع وقال انهم عينوا خمسة اعضاء جدد و قال انها كانت غير معلنة علشان عدم استفزاز الامن .. يعني الراجل مش عايز يستفز الامن والصحافة عايزة الاخوان تستفز الامن ولا ايه حد يفهمني .. المهم بس انا عايز اسال سؤال هو لو حد فينا في بيته مثلا وجاله عريسين في وقت واحد لاثنين من بناته لازم الناس كلها يبقى عندها علم والصحافة تقول ده فلان جه لبناته عريسين .. ومانشيت ينزل في احدى الصحف اللي ظاهرها انها معارضة الحق خبطة الموسم فلان بيفكر انه يغير الانتريه وبيفكر كمان ان عدد افراد الاسرة يزيدوا لان عريس جديد اتقدم لبنته وان كده عدد الاسرة اصبح 12 .. بالله عليكم ينفع ده يحصل أو حد يقبله لا طبعا .. بس اهو بقى ده اللي حصل واللي بيحصل ..لكن انا اقصدي من كل الكلام ده انه حاجة عادية يعني لما الجماعة تعين خمسة ولا متعينش دي حسب رؤيتها وحسب احتياجه وبعدين هي مش بفلان او غيره هي بتاعة ربنا وربنا هو اللي بيمشيها ودي اجتهادات بشر تخطئ وتصيب .------- أما بقى الموضوع التاني هاسيبه للبوست اللي جاي .. ومستني رايكم وردودكم وبحمد ربنا اني رجعتلكم تاني .. يلا بقى مستني دعواتكم

Tuesday, May 27, 2008

لبيك عبدي




دايما اوي بيعجبني حديث للنبي صلى الله عليه وسلم يقول فيه : " يرفع العبد يديه الى السماء وهو عاصي فيقول يا رب .. فتحجب الملائكة صوته فيكررها في الثانية ويقول يا رب فتحجب الملائكة صوته فيكررها في الثالثة ويقول يارب فتحجب الملائكة صوته فيكررها في الرابعة ويقول يا رب فيقول المولى عز وجل : الى متى تحجبون صوت عبدي عني لبيك عبدي لبيك عبدي لبيك عبدي لبيك عبدي "




يااااااااااااااا الله من يقول مين لبيك الله تعالى بعظمته وبجلاله والمتنزه عن كل شئ هو من يقول للعباد لبيك فاي رحمة واي حب هذا ولا يوجد ذلك الا في شرعه جل وعلا .. بقى مين يقول للتاني لبيك انا كل ما اقرأ الحديث ده أو أفتكره أحس اني صغير اوي احس اني مكسوف منه اوي هاقله ايه لو قبضني الان وانا قاعد اكتب الكلمات دي هقله ايه على ذنوبي اللي مالهاش اول من اخر... هقله ايه لما يسألني عن شبابي ... هقله ايه لما يسألني عملت ايه للإسلام ... هقله ايه لما يسألني عملت ايه للدعوة ... هقله ايه لما يسألني عن حق حمل الامانة اللي شايلنها كلنا فوق كتافنا مش حاسين بيها ... هقله ايه ولا ايه بصراحة مش عارف .. بس انا عارف هقله دلوقتي ايه عارفين هاقله يا رب انا ماليش غيرك وماليش سند غيرك ولا عفو يعفوا عني ذنوبي غيرك ولا رحمن رحيم يرحمني غيرك ولا تواب يقبل توبتي دي غيرك ولا طاهر يطهرني غيرك ولا قوي يقويني على طاعتك غيرك فليس لي الا انت يا رب يعدل لي حالي المقلوب في دنيا الغرور فاللهم يا رب يا رب يا رب يا رب اعفوا عن عبدا عصاك وتاب اليك واناب وإرزقني اللهم الفهم الصحيح لدينك والاخلاص في القول والعمل وثبات على الحق لا احيد وتجرد لا يشوبه شائبة وثقة تترسخ في قلبي وعقلي وطاعة تقبلني بها وترفعني عندك درجات واخوة صادقة لا لمصلحة ولكن يملؤها حب غير مشروط وتضحية لدينك تقبلني بها شهيدا وده اللي انا عايزه يا رب .. اللهم اني عبدك فلا تحرمني عطفك وحنانك وعفوك فأنت ارحم على الوليد من امه يا رب يا رب يا رب يا رب إقبلني وإقبل كل من ينوب ويتوب اليك يا رب العالمين وإرزقني زوجة كالمرضية في صلاحها وجمالها ويكون لها رجاحة عقل وتكون أوابة اليك لتعينني على طاعتك يا رب العالمين فاللهم آميييييين

Sunday, May 18, 2008

يااااا الله







تاملوا المشهد




زحام حول باب الجنة




وضجيج اصوات الداخلين






ثم






يفتح الباب للنبي العدنان






فأي جمال واي روعة و أي سعادة تلك






يااااااااااا الله








ما أحقر الدنيا








اللهم إجمعنا هناك يا رب العالمين مع من نحب على سرر متقابلين

Monday, May 12, 2008

كلمات واجبة

"اللهم لك الحمد على نعمة الاسلام ... اللهم لك الحمد على نعمة الالتزام ... اللهم لك الحمد أن جعلت لي من ينصحني عند خطأي ... فاللهم لك الحمد "


بجد الحمد لله أن جعل لي من يقومني إن إعوججت عن طريقي .. فلقد أفاقوني من غفلات كثيرة في حياتي و أعانوني بكل قوة أن أعيش حياتي فلا احيد عن الطريق وانا معهم ولا تتملكني شهوة وأنا بين يديهم بل أحس معهم بدفء عجيب لا أجده أبدا مع أحد سواهم .. فهم يتهافتون إلي ليعالجوا لي أخطائي سريعا دون أدنى إحساس مني .. تعلمت منهم الكثير وأمدوني بالغزير .. تعلمت معهم كيف يرق القلب وكيف تدمع العين وكيف وكيف ... لا أقدر على الوصف مهما قلت فلن أذكر لهم كل شئ .. كانوا دائما المنقذ لي من الغرق فلقد كانوا وكانوا وما زالوا فهم مرآتي التي أرى نفسي بها والتي أكمل من خلالها رؤية العالم من حولي فبدونهم لا تعني الحياة لي شيئا أتوق شوقا اليهم إن لم ألقاهم يوما .. فلا أملك إلال أن أقول لهم جزيتم عني خير الجزاء ... وأشهد الله وأشهد كل من يقرأ هذا البوست أني أحبكم بل أعشقكم في الله ولكم علي ألا أغضبكم مني أبدا بإذن الله .. وعدا سأعود كما كنت في سابق عهدي بل الى الافضل بإذن الله فأنتم نور عيني ولب قلبي ومهجة فؤادي بل أنتم كل حياتي يا رفقاء رحلتي الى الله عبر هذه الدنيا .. فإليكم مني السلام ولك يا ربي الحمد على هذه الدرر التي انعمت علي بها ولك الحمد أن جعلت لي من يقومني إن إعوججت ... فلك الحمد على نعمة الاخوة يا رب العالمين .. اللهم إن لي إخوة كثيرون أحبهم فيك فأجمعنا سويا على الحوض وتحت العرش وفي الفردوس يا رب العالمييييين ..اللهم آمييييييين

فكم من إنسان يدفع الكثير من المال من اجل أستشارة ما وعمل ما .. أما في وسطنا تجد جميع الاستشارات في جميع المجالات مقدمة اليك على طبق من ذهب دون عناء ولا مكابدة ولا دفع اموال .. فبالله عليكم ألا يستحق هؤلاء الناس أن احبهم في الله بل أعشقهم لا لمصلحة ولكن اعتصاما بحبله جل وعلا فهم أصحاب فضل كبير علي بعد ربي جل وعلا وبعد نبيي صلى الله عليه وسلم وبعد أبي وامي رزقهما الله فردوسه الاعلى ..فاللهم أميييييييين .. وهذا اعتراف واعتذار واجب مني الى إخواني حفظهم الله

Tuesday, May 6, 2008

ممممممم .... سر حياتنا





أخذتني يداي ليلة امس الى شاطئ المدونة فذهبت ورأيت الكلمات تلو الكلمات والا حرف هنا وهناك وفي غفلة مني وجدتني تتقاذفني امواج الخواطر تلو الخواطر والافكار تلو الافكار لا ادري ماذا اكتب وفجاة ارتعدت يداي وتخبطت قدماي ووجدتني لا اقدر على شئ لم اقدر سوى ان ابوح بما جال بداخل اعماق اعماق صدري .. لا ادري من حيث أبدأ وكني بدأت بالفعل فقفزت يداي على لوحة المفاتيح بعد ارتعاده لتخط باصابعي حروف وكلمات جالت في قلب عاشق بل متيم !! أينعم بالفعل متيم والله اني لاعترف امام الله واما مكم جميعا اني احبه بل اعيش به ويمتلئ قلبي بعشقه وبنوره هو عجيب له اثر غريب حرك قلبي اليه بسرعة فائقة للوصف جذبني بقوة وتوغل بداخلي اخترق كل الحواجز وترسخ باركان قلبي لا يقدر شئ على ان يفرق بيني وبينه فهو نور يتلألأ وريحانة تهتز !! أيوا الله ريحانة تفوح بعطرها اينما وجدت بل يجعل كل قلب يوجد حوله بأن يمايل ويرقص طربا وان ينخلع من مكانه ليهفو حوله .. بل اكثر من ذلك فهو .. وهو .. وهو ..لا اعرف ماذا اقول فهو كثير من يعشقه ويحبه ولكن ليس أكثر مني فهو جميل بل كلمة جميل أقل بكثير منه فهو عظيم فوق ما يتخيل اي انسان .... أراكم تسألون أنفسكم عنه .. تتخيلون منظره ... عذرا فانا اغار عليه فهو يملأني بحنيته التي لا مثيل لها . ممم






أتعرفون من هو ذا الذي فعل بي كل هذا ؟؟ سأقول لكم وامري الى الله




الذي فعل بي كل هذا






هو




أحساس عجيب .. الا وهـــــــو




الأخوة في الله






الاخوة بكل ما تحمله الكلمة من معاني وليست بمعناها اللغوي فالأخوة كنز كبير لا بد أن نعقله ونفهمه فالأخوة قلوب تتألف وأعين تتلاقى ونفوس تتعايش ومشاعر تترابط ومعاني تتلألأ في سماء القلوب وصفاء النفوس وشفافية الاعين فهي مشاعر لا تستطيع وصفها ولا حصرها فهي علاقة تلعب دورا هاما في مراتب الحب ودرجاته بين البشر وهذا حسب درجة الاخوة بين الاخ واخيه ا, بين الزوج وزوجته !! تتعجبون من قولي أليس كذلك ولكن بالفعل انها الحقيقة فلو ان علاقة الزوجين ببعضهما علاقة اخوة في الله وحب في الله بجانب الحب الموجود لعاشوا حياتهم بدون شقاء ولا مشاكل سوى الطبيعي منها وغير الذي اصبح متفشي الان في مجتمعنا الاسلامي .. فهذه هي الاخوة ففيها اشياء مواقف بين الاخ واخيه او الاخت واختها , أخيك أخيك هو منك وانت منه هو لك وانت له هو قلبك .. روحك .. نفسك بل هو انت يعتصر قلبك شوقا اليه اذا غاب عن عينيك لبرهة من الزمن تحنو عليه تعيش معه اجمل ايام عمرك فتتباكوا سويا وتضحكا سويا وتتعايشا سويا فتدعوا له دائما ويدعوا لك تطعمه اللقمة في فمه ويطعمك .. إذا أكل تشبع وإذا شرب يذهب ظمأك فهو انت وانت هو .. فهذه هي الاخوة .


لكم نحتاج الى الاخوة بصدق في بيوتنا واعمالنا ودعوتنا لكي نصلح ما افسدته الحياة بنا نحتاج لنصلح البناء لتكون أخوتنا هي مصدر قوتنا وثباتنا لنكن بها كالطود الاشم لا تزعزعنا فتنة ولا تهزنا ريح عاتية ليكن أصلنا ثابت وفرعنا في السماء لنصدق في إخوتنا لبعضنا البعض لكي نستطيع ان نصدق في حبنا لبعضنا البعض علينا ان نخلص في صنع الميلاط الذي سيجمع بين اشلاء بنائنا الذي نريد أصلاحه فالاخوة هي سر حياتنا .




وفي النهاية أرجوا الا اكون قد اطلت عليكم ولكنا بالفعل نحتاج الى الاخوة في الله الصادقة ذات الافعال وليست الصورية ذات الكليمات .. وارجوا ان يكون ما اقصده قد لامس شغاف قلوبكم ولامس عقولكم وبنيات افكاركم .. وارجو كل من يقرأ البوست ده انه يقلي تعليقه قبل ما يمشي ... دمتم برعاية الله


طلب صغير
ياريت يا جماعة اللي يعرف ينشر الموضوع ده ينشره ويبعته رسايل لك اللي عنده على الميل ويحاول يوصله لحد ما يقدر ويبقى جزاه الله خيرا لاني بجد نفسي كل الناس وانا اولهم نعيش بالكلام ده ونفسي بجد ناس كثير تقراه وتتاثر بيه وتحاول تغير شوية نظام حياتها ويعيشوا من غير المشاكل الغبية اللي بقت زيادة عن حدها واللي بداوا يتعودوا عليها انها تكون طبيعية .. وده والله غلط جدا ... فاللي يقدر ينشر ينشر وجزاكم اله خيرا

Sunday, May 4, 2008

الظالم والمظلوم .... وزمن المتناقضات

الظالم والمظلوم .... وزمن المتناقضات





هو ايه الحكاية بالظبط .. حكاية ايه يا جدعان ... ااه حكاية العنوان الغريب ده .. اقلكم انا الحكاية وما فيها ان النهاردة يوم 4 مايو يصادف والنهاردة كلنا عارفين انه يوم الاضراب بتاع كل الناس وهو في نفس الوقت عيد الميلاد الثمانون للظالم الكبير حسني مبارك وفي نفس الوقت هو عيد ميلاد المهندس / خيرت الشاطر ..لذلك كان هذا العنوان



ولكن شتان بين هذا وذاك .. امثال هؤلاء الشرفاء مثل المهندس / خيرت الشاطر هؤلاء يوم ميلادهم يكون له طعم ولون ورائحة وبهجة وكل واحد فيهم يقعد كده يراجع نفسه ويشوف هو قدم ايه لدينه ولبلده وهايقدم ايه وهايعمل ايه كمان يقدرعليه قدام ربنا علشان ربنا يرضى عليهم لذلك نقوم بالاحتفال بيوم ميلاده بالدعاء له هو واخوانه بان يفك الله اسرهم من سجون الظالم المتجبر .. اما بقى حسني واعوانه وامثاله يوم ميلادهم ده يبقى يوم منيل بنيلة يوم كله سواد وظلام والناس كلها لازم تلبس اسود وتحط على بيوتها رايات سوود علشان يبقى يوم كله سواد عليه واللي زي مبارك يروحوا يموتوت الشعب وياخده فلوسه ويروحوا يجيبوا تورتة مش عارف منين ومش عارف برضه بكام ويقعدوا يفتكروا السواد اللي مالي حياتهم ويفتخروا انهم عملوا كذا وسدوا الانفاق علشان عيون امريكا واسرائيل وكمان يقفلوا موقع من اكبر المواقع العالمية مثل اسلام اون لاين واخوان اون لاين علشان بس اتكلموا عن الاضراب اللي هايحصل في عيد ميلاد سيادته .. بجد مش عارف هيقولوا لربنا ايه ولا ايه . وبعد كل ذلك عذرا فهذا زمن المتاقضات

Wednesday, April 23, 2008

في زنزانة 2في2


في زنزانة 2 في 2

ويا احبابنا ضي العين

مع مولانا نور العين

هي العين

جوه السجن يا ولداه

تبكي لجل المولى حارسها

هو المولى رب الكون

تبكي بحرقة لكثر ذنوببها

تبكي بشوق عالي للجنة

تبكي بفرحة للي بيخرج

من زنزانة 2 في 2

حتى الكلمة تبكي عشانها

لما تكون خارجة من قلب

ضحى

بنفسه وبامواله وباولاده

وكمان عمره

لجل ما يبقى فيه اصلاح

إيه إصلاح ؟! ـــ

اصلاحك انت وهو وهي

اصلاح بلده وبلدك

من سجان فاكر ان بصوته

يقدر يكتم صوت انسان

ضحى بعمره لجل بلاده

تعيش بامان

من ورا القضبان بيقول

انا هافضل كده علطول

لجل المولى ما يرضى عليه

ويرزقني عظم الجنان

وتبقى بلادنا بخير وامان

حكموا عليه بسبعة وخمسة

وكمان تلاتة من السنوات

بعد محاكمة عسكرية

ظالمة .. عتية

بعد 74 جلسة واانا برده

ورا القضبان

قلت ايه التهمة يا والدي

رد عليه وبصوت واطي

من غير تهمة !!ــ

كل ده يا ابن بلادي

علشان قلت بعلو الصوت

لجل بلادي ما تكون فوق

قلت انادي بالاصلاح

لكن مهما عملوا يا ابني

مش هايهزوا منا الشعرة

ولا يكسروا شجرة قوية

حط بذورها حسن البنا

لو مات فرع يطلع عشرة

ودي اركان بيعتنا عشرة

لو قتلوني

تبقى شهادة من عند الله

ودي اسمى شئ في حياتي

دايما ما اشدو بيها في دعائي

ولكن بعد ده كله يا ابني

عايزك تعرف

ان في وسط الضلمة دي هية

نور الفجر خلاص بيبان

والشمس هاتشرق من تاني

تملا الدنيا نور وامان

قلت باذن المولى يا والدي

مش هتكمل

حتى 2 في زنزانة 2 في 2

ورا قضبان ويا سجان

ولا حتى سور عالي كمان

وادي حكاية والدي يا عالم

ضحى بماله وعمره واهله

لجل ما ينشر دعوة ربه

في زنزانة 2 في 2
أنا

Wednesday, April 16, 2008

!!!!!!!!!!!!!!!!!!!


شكرا يا بلد ... شكرا يا حكومة ... شكرا يا شعب


لحد دلوقتي مش مصدق اللي حصل ده ولا مستوعبه ولكن لا تحسبن الله غافلا عما تصنعوا ايها الظالمون المحتلون


لا املك كلمات أقولها ولا اجد احرف تتناثر على ذهني كما كان في السابق


وأحمل في طيات عيني آهات وآلام


لا حدود لها

وهذا هو نعي مصر وشعبها .. والعزاء قاصر على تشييع الجنازة
فهل من مشيع
ولا مش هنلاقي حد يشيع البلد دي
يااااااااااااه
لكي الله يا مصر
ولكن
كلمة صغيرة
اثق تماما في الله انه طالما حدث ذلك اذن فقد اقترب موعد الصبح
وها نحن نرى الديك يقوم من تحت انقاض هذا الوطن
وينفض ما بقي عليه من تراب
لينتظر لحظة فيها يعلو صوته
بنبض يملأ الدنيا
ليعلو مؤذنا
الله اكبر من كيد الظالمين
فلقد جاء الصبح
!!!
!!
!

Tuesday, April 1, 2008

عجبي على شعب مصر

شعب فيه كل الصفات ... كل العبر ... كل الآهات ... القاصي والداني ... من يحمل هم بلده ومن يخاف على لقمة عيشه ولكن .. بجد عايز اقوله حاجة ... هو انت ليه كده ؟؟ وعلشان كده أثرت ان اوصفه بهذه الكليمات


وهي بعنوان



إصرخ يا شعــــــــــب


يا شعب ياللي بتنضرب وتقول كمان


البلد........... بلدنا بقت بتاع سجان


الكلمة منك تنعدم وتنكتم وتقول كمان


حرام عليك يا شعب .. موووووت


ولكن قبل ما تموت


اصرخ وقوول .. راح الفول


راحت البلد وراح كل شئ


راحت كرامتك وانت نايم


اصحى بقى .. وصحصح وفوق


اصرخ يا شعب


قلها بعلو الصوت .. بملأ الفا
ه


مش عايزين حاجة بتتقال


عايزين فعل وعيشة تما
م


يلا معايا .. يا ولاد بلدي


نضرب على كل الاحوال


والافعال


اللي بتقتل ... تضرب .. تسرق


تنهب .. تنهش .. وفي الاخر


تسجن .. تخنق


حتى الكلمة قتلتها كمان


حتى الدمع على الخدين هايكون


بكرة ورا القضبان


وبعد ده كله فاضل ايييييه ؟؟


فاضل كلمة مني ومنك


لجل بلدنا تبقى بخير


ويكبر فيها ابني وابنك


ويعيشوا فيها عيشة هنية


وتبقى حياتهم يا صلاة الزين


يلا معايا .. وقوم وياي
ا


لجل بلدنا تبقى عمار


يطلعوا منها ولاد ال (تييييت ) وتبقى


حياتنا من غير تيييت


تبقى في شرع المولى حياة


واي حياة ... دي أحلى حياة


وعشان


كله ده يحصل لازم


كل الناس في بيوتنا وفي شوارعن
ا


تخرج معانا وتقول لأ


على كل اللي بيحصل فين
ا


من ذل وغلا وتهدي
د


انت وهي وابني وابنك


لا تخاف قوة ولا تهديد


انت معاك المولى وحارسك


يالا معايا ... قوم واعلنها


لكل الناس


إننا شعب بإذن الله ما بننداس





**************

وبعد ده كله لازم أقول

عايز كل شئ قي بلدي يبقى بجد مش وهم في وهم وكمان عايز بلدي من غير تيييييييت

Monday, March 24, 2008

عفوا ... يا دمعتي



معلش يا جماعة البوست ده ممكن يكون مش طبيعي شوية
بس ده اللي انا حاسه دلوقتي .. مش طايق الدنيا
تعبان .. زهقان .. مخنوق .. عايز اصرخ بعلو صوتي
مش عارف .. اقول ايi
نفسي اسجد وقلبي يسجد زي ما كنا زمان
ندعي ونبكي لربنا العزيز المنان
حاسس اني مش انا و ان انا محبوس جوايا انا
كل ما احاول اطلع الاقي حد يرجعني مطرحي تاني
اطلع منين بس يا رب .. ايوه هي دي
يااااااااااااا رب .. اشكو اليك حالي
واتووووووووب اليك
فقررت انا اني اطلع في دمعة تنزل من عيني
فكتبت القصيدة دي

***************************
عفوا .... دمعتي




يا دمعة نازلة من عيني


يا اجمل حاجة جوايا


يا ساكنة خدودي ويايا


ومن قلبك


تفيضي عليه بحنانك


وبتدفيني بلهيبك


يا دمعة نازلة من عيني


بحبك موووووت


بحس معاكي بأماني


وبشكيلك همومي كثير


واقسى عليكي بكلامي


لكني مليش غيرك


في كل لحظة في حياتي


في ايامي في لياليه


في حزني .. في فرحي .. في آلامي


مليش غيرك يدفيني


ويمسح عني آلامي


ويسمع مني أهاتي


ويشيل عني كل هموم


رميتها الدنيا في كلامي .. وافعالي


ومين غيرك يداويني


يا دمعة نازلة من عيني


مليش غيرك ... ومين غيرك


أبوح له باللي جوايا


أقول مواويل ... لكن ده كثير


عليه وربنا ده كثير


يا دمعة نازلة من عيني


أنا آسف


شيلتك هم فوق همك


وسهرتك معايا كثير


أقولك إيه ؟؟


و أعيد لك إيه ؟؟


ولكني هقول كلمة


يا ريت تقبليها مني


عفوا


يا دمعة نازلة من عيني
أنا

Thursday, March 13, 2008

ليه فيهم وما يكنش فينا




لماذا نفترض دوما وجود المشكلة فى الغير
و لا نفترضها في أنفسنا !

لماذا نتوقع دوما العيب من الغير
و لا نتوقعه فينا!


لا تحاول أن تعيد حساب الأمس وما خسرت فيه
فالعمر حين تسقط أوراقه لن تعود مرة أخرى
ولكن مع كل ربيع جديد سوف تنبت أوراق أخرى
فأنظر إلى تلك الأوراق التي تغطي وجهه السماء
ودعك مما سقط على الأرض فقد صارت جزاء منها


***************************
لو ما فكرناش في موجود مشكلة فينا قبل ما تبقى في اللي حوالينا نبقى بجد غلطانين ... ومن كل الكلام اللي فات ده أحب اقول وصية صغيرة لنفسي وليكم ... يا ريت نقرب من بعض ونحب بعض علشان نفهم بعض .. دعونا نلملم ما بقي من أشلائنا نحن المسلمين ونعيد ترميمه بالعبادة ونجعله متماسكا بميلاط الحب في الله الغير مشروط وننشره ببركة ربنا جل وعلا .. فاللهم انصرنا يااااا رب

Saturday, March 8, 2008

فضفضة قلب بيكلم قلمه

إكتب يا قلمي





اكتب يا قلمي.....فلم يبقى لي سواك.....اشكوه ويسمعني.....ابكيه ويمسح دمعي.....احترق ويطفىء لهيبي.....اكتب يا قلمي.....فلا امتلك غيرك.....اكتب آهاتي وآلامي.....اكتب جروحي وأحزاني.....اكتب معاناتي.....اكتب ولا تحاول تفرحني.....اكتب ولا تعذبني.....قلمي.....من غيرك يواسيني.....اكتب إلى آخر لحظة من حياتي.....اكتب قبل مماتي آخر أمنياتي.....اكتب يا قلمي.....فلا تدع الزمان يوقفك.....أو الآلام تتعبك.....اكتب تبعثر كلماتي.....اكتب وأنت تلملم أشلاء أحلامي وطموحاتي.....اكتب ولا تحاول تضميد جروحي.....اكتب ولا تحاول خداعي.....اكتب بكلماتي.....اكتب بألحان دموعي.....اكتب بنزف جروحي.....اكتب بأحزاني.....اكتب بمشاعري وأحاسيسي.....اكتب ولا تقسو علي.....اكتب الحقيقة التي تلازمني.....اكتب تاريخ نسياني.....اكتب ولا تنتظرني.....اكتب ما يدور بأعماقي.....اكتب أسرار آهاتي....اكتب غدر زماني.....اكتب حرماني وضياعي.....اكتب مأساتي.....اكتب جنوني وغضبي.....اكتب حيرتي.....اكتب صبري.....اكتب ولا تنتظر ابتسامتي.....اكتب يا قلمي.....اكتب واروي ظمأي.....اكتب ولا تجعل الحزن يوقفك.....أو يدعك تتركني.....فلم يبقى لي بعد ربي سواك.....فإكتب يا قلمي.....

Thursday, March 6, 2008

بوح بلادي 2

بوح بلادي 2



وفجر انهار عيني وظلت تصرخ وتصرخ بملأ فاهها وتقووووووول


تلعنوني في اليوم ألف مرة و أنا اشكوكم الى الله في كل لعنة فأنتم تجوعون في ويشرد اطفالي وتشكون الغلاء الفاحش والظلم الدامس وتتسائلون لماذا هذا الظلم وكل هذا ثم ترجعون لتلقوا كل هذا على عاتقي ... حرام عليكم انتم من فعلتم كل هذا بي و انفسكم انتم من تركتم كل غريب يتحكم بي وبكم و أنتم من تراضيتم بهذا كله فانتم لا تنتفضون ولا تتكلمون ولا تريدون حتى دفع ضريبة حريتكم من انفسكم و أبناء جلدتكم وتاتون فقط لتجلدوا ظهري بكل هذه الالام فيجب عليكم ابناءي انت تتحدثوا وتنفضوا غبار الظلم عني وعنكم حتى وان كانت ضريبة كل هذا ان تخسروا قوتكم واعمالكم وبيوتكم وأبناؤكم أو حتى دماؤكم فلن ينزاح هذا الظلم أبدا عنكم إلا بتحرككم انتم مهما كان الثمن ... وهذه هي أخر نصائح قلبي لك يا ولدي ... فلقد تفرق شملكم وصتم تكنون الكره لبعضكم البعض وصرتم لا تطيقون بعضكم فأين كل ما علمتم من تعاليم دين ربي وربكم واعلموا اني شاهدة عليكم .... فقد انفطر قلبي عليكم فبالله عليكم اجلوا عني هذا الحمل الثقيل

ثم أخذت تبكي وتبكي وتنتحب حتى بح صوتها من كثرة البكاء ثم أغمي عليها ... فبالله عليكم نريد ان ننفذ نصيحة قلب بلادنا إلينا

Sunday, February 24, 2008

بوح بلادي 1

بوح بلادي 1




جلست وحدي ذات مرة مخاطبا بلدي فقلت لها يا بلدي : لما ما نحن فيه ولما يلعنكي شعبك في اليوم أكثر من ألف ألف مرة ؟؟ ولما يجوع فيك شعبك ؟؟ وكم من الاطفال يشردون فيكي كل يوم ؟؟ ولم كل هذا الغلاء الفاحش والظلام الدامس ؟؟ ولم ينتشر فيكي كل هذا الظلم المرير الذي يحاكم كل مخلوق على هواه وعلى هوى من يأمره بذلك ويزيل كل من وقف في طريقه فيحاكم المدني الشريف عسكريا ويحاكم الفاسد وهو يعلم بأنه يستحق العقاب مدنيا ثم يبرئه من تهمته ويظل طليقا لانه يحافظ على انتشار ظلمه وفساده ... فلماذا يا بلدي كل هذا .. ولماذا ... ولماذا ؟؟؟؟

فاستوقفتني صارخة ودموعها تملأها وتنحدر من كل ركن فيها : كفاك يا ولدي فقد إمتص دمي وأنهكت قواي وكبلت كما ترى ... أفيق تارة ثم أضرب و أمزق تارة حتى أصبح جسدي باليا لا يقدر على حمل شئ أو فعل شئ ... ثم قالت وهي تنتحب بصوت رقيق يملأه الاستعطاف : كفاك يا ولدي فحديثك ألهب براكين جسدي وفجر انهار عيني وظلت تصرخ وتصرخ بملأ فاهها وتقووووووول



نكمل في الحلقة القادمة ... إنتظرونا

Wednesday, February 20, 2008

" إذ تستغيثون ربكم فأستجاب لكم "


" إذ تستغيثون ربكم فأستجاب لكم "


يا جماعة بالله عليكم أنا عمي هايعمل عملية قلب مفتوح بالله عليكم أسألكم الدعااااااااااااااااء
اللهم رب الناس اذهب البأس اشفي انت الشافي لا شفاء الا شفاؤك شفاء لا يغادر سقما
************
تحديث
بمناسبة الاية والخواطر اللتي تحملها الآية ايه رأيكم يا جماعة نصوم كلنا يوم الاثنين وندعوا لاخوانا بإخلاص لعل الله ان يفرج كربتهم .... آمييييييييييين يا رب

Friday, February 15, 2008

اللهم فك أسر إخواننا المأسورين ... وعليك اللهم بالظالمين



" اللهم كن معنا لا علينا يا رب العالمييييييين "