I HEART...

Monday, March 24, 2008

عفوا ... يا دمعتي



معلش يا جماعة البوست ده ممكن يكون مش طبيعي شوية
بس ده اللي انا حاسه دلوقتي .. مش طايق الدنيا
تعبان .. زهقان .. مخنوق .. عايز اصرخ بعلو صوتي
مش عارف .. اقول ايi
نفسي اسجد وقلبي يسجد زي ما كنا زمان
ندعي ونبكي لربنا العزيز المنان
حاسس اني مش انا و ان انا محبوس جوايا انا
كل ما احاول اطلع الاقي حد يرجعني مطرحي تاني
اطلع منين بس يا رب .. ايوه هي دي
يااااااااااااا رب .. اشكو اليك حالي
واتووووووووب اليك
فقررت انا اني اطلع في دمعة تنزل من عيني
فكتبت القصيدة دي

***************************
عفوا .... دمعتي




يا دمعة نازلة من عيني


يا اجمل حاجة جوايا


يا ساكنة خدودي ويايا


ومن قلبك


تفيضي عليه بحنانك


وبتدفيني بلهيبك


يا دمعة نازلة من عيني


بحبك موووووت


بحس معاكي بأماني


وبشكيلك همومي كثير


واقسى عليكي بكلامي


لكني مليش غيرك


في كل لحظة في حياتي


في ايامي في لياليه


في حزني .. في فرحي .. في آلامي


مليش غيرك يدفيني


ويمسح عني آلامي


ويسمع مني أهاتي


ويشيل عني كل هموم


رميتها الدنيا في كلامي .. وافعالي


ومين غيرك يداويني


يا دمعة نازلة من عيني


مليش غيرك ... ومين غيرك


أبوح له باللي جوايا


أقول مواويل ... لكن ده كثير


عليه وربنا ده كثير


يا دمعة نازلة من عيني


أنا آسف


شيلتك هم فوق همك


وسهرتك معايا كثير


أقولك إيه ؟؟


و أعيد لك إيه ؟؟


ولكني هقول كلمة


يا ريت تقبليها مني


عفوا


يا دمعة نازلة من عيني
أنا

19 comments:

3abdallah 7osni said...

انا اقولك الحل هو فى التقرب من الله سبحانه وتعالى

وحكاية الدمعة اللى مش عاوزة تنزل دى ياريت تشم بصل عشا تنزل ههههه

ماشاء الله جامدة اوى القصيدة المرتجلة دى

دواير said...

مش عارفة اقولك ايه.......لما كنت بقرا الكلام ده حسيت كأني أنا اللي كتباه .......كانك بتقرا اللي جوايا.....انا حاسة اني تايهة اوي وبعيد عن ربنا.....حتى الدعاء ما بقيتش قادرة ادعيه......بجد كل كلمة في البوست ده حسيت انها بتتكلم عني......بس للأسف....دموعي تقسو علي وتمتنع عيني عن البكاء........

Hosam Yahia حسام يحى said...

بوست جميل


ماشاء الله قصيده هايله


تحياتى

Hosam Yahia حسام يحى said...

بوست جميل


ماشاء الله قصيده هايله


تحياتى

بنت الاسلام said...

بتعتذرلها ليه بس

هي عاوزة كدة

وبتحب كدة

هي اصلا بتاعة كدة

معلش صبرا

واهو هنعمل ايه

بدل مانطق

اهو احنا بندمع

تحياتي

UNIQUE said...

الدمعة مخلوقة سحرية رغم مرارتها

تدوينة جميلة .. تحياتي

حطم القيود said...

فرج الله همك وازاح ضيقك وكربك

اقول لحضؤتك ع الوصفه السحريه اللى بتجيب معايا نتيجه على طووول اول ما بحس بالحاله دى

آجى بالليل والعالم كلها نايمه اتوضى واقعد اناجى ربنا واشكيله من حالى وابكى واتضرع واطلع كل اللى جوايا....والله بصدق بييجى الفرج على طووووول...كفايه انك بتحس ان جبل هموم اتزاح من على كتفك

ربنا يصلح حالنا جميعا

تحياتى،،،

غاوي حرية said...

عبد الله حسني
********

ربنا يعزك وجوزيت خيرا اخي الكريم على المرور العطر ده

ويا ريت متكونش اخر زيارة

غاوي حرية said...

دواير
*****
ربنا يكرمك ع المرور الذي انارني .. وده تقريبا اللي كنت حاسه واللي خلاني اخرت الرد لحد سابع رد يجييلي لاني كنت محتاجه اوي ومحتاج اتكلم معاه واناجيه وافضفض له واخد قرار بحاجات هتخليني افضل

وانتظروا مني البوست القادم بوست طلقة باذن الله

غاوي حرية said...

حسام يحي
*********

جزاكم الله خيرا اخي في الله .. وبجد اسعدتني زيارتك .. وشوفت مدونتك وعجباني ربنا يوفقك يا رب

اما عن القصيدة فربك يتقبل ودعواتك يا عسلووز

paranoia,magnetic & dramatic girl said...
This comment has been removed by the author.
غاوي حرية said...

بنت الاسلام
*********
مش عارف اقلك ايه بجد ربنا يكرمك وهي فعلا بتاعة كده .. لكن كنا مشتاقينلها اوي ... وبنحبها اوي اوي وبندعي ربنا ما يحرمنا منها ابدا

ونورتي مدونتي المتواضعة .. ويا ريت تنورينا تاني ومش تبقى اخر مرة

غاوي حرية said...

uniqe
*****
فعلا الدمعة دي مخلوقة جمييييلة جدا وربنا ما يحرمنها منها وجوزيت خيرا على مرورك وربنا يكرمك اخي

غاوي حرية said...

حطم القيود
***********
اولا جوزيت الجنة بمرورك عندي وانك تضفوا علي بنورك يا ريس
ثانيا :
انت عارف ان المشكلة انك تكون عارف الوصفة وطريقة عملها وتحس انك مش قادر تعملها وكان حاجة ربطاك ومنعاك وهي طبعا ذنوبك اللي مخلياك تقيل ولكن هي فعلا اجمل وصفة من اجمل البشر الذي علمنا اياهها نبينا صلى الله عليه وسلم وفعلا كفاية اوي تحس انك رجعتله تاني واترميت فغي حضن رحمته سبحانه وتعالى وكأنك بتقوله انا ماليش غيرك يا مالك الملوك

غاوي حرية said...

عزيزتي دودو
************

يااااااااه .. اخيرا نورتينا بجد انا افتكرتك نسيتنيا وربنا يبارك فيكي على كليماتك البسيطة والتي تحمل كثيرا من المعاني التي كثيرا ما نجدها متناثرة في قلوبنا ولكننا في مثل هذه الاوقات
نحتاج الى ان نلملم اشلاء ما بداخلنا من معاني ومشاعر ونقاوم انفسنا ونبتهل اليه جل وعلا حتى تنزل دموعنا
التي نجهدها معنا وتغسل وتذيب ما فوق عاتقنا من جبال وتلال من هموم وذنوب
ثم ناتي في النهاية الى ان نعتذر لها ولا اييييييييييه ؟؟

مستنيينك تعدي علينا تاني ومش تنسينا كده تاني وبجد انرتي كل اركان مدونتي المتواضعة يا دودو

paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
monaliza said...

ما اجمل هذه الدموع

سيبها على الله said...

ياعزيزى
الدموع مثل السحاب تنهمر الى حبات من المطر بعدها تنقشع السماء ويظهر ذلك اللون السماوى ونفرج الاسارير وتظهر علينا السعادة...قصيدة رائعة تنم عن شاهر رقيق الحس .تحياتى لك