I HEART...

Saturday, June 28, 2008

كل سنة وانتي طيبة يا مدونتي


يااااااااااا الله .. بجد مش مصدق انه مر على مدونتي التي استقريت عليها بعد كذا مدونة قبلها ... عام كامل .. مش مصدق عام كامل بصولاته وجولاته وزواره و تعليقات ومناقشات واصحاب جديدة وافكار اكثر وناس استفدت منهم وبقيت ازورهم ويزورني في مدوناتنا .. لكم تعلمت من هذا العالم الغريب .. بجد يا جماعة انا بحب التدوين جدا وان كنت مقصر شوية لكن بجد السنة اللي فاتت دي مليئة بالاحداث الكثير التي عكرت صفوي في ان اكتب واحرر واتابع واناقش واغطي ما يحدث من احداث .. ولكنه مضى بمره وحلوه و لكن أسأل الله تعالى ان يتقبل مني ومنكم .. وان يجمعني واياكم في فردوسه الاعلى .. آميييييييين يا رب .. وبجد انا سعيد جدا اني عرفت ناس كثير من هذا العالم التدويني الرائع ان استخدم بصورة صحيحة .. بجد بجد مش قادر اوصف فرحتي واليكم مدوناتي السابقة

حريتنا ... لشباب غاوي حرية ودي كانت بدايتي انا والمدون الحبيب عمرو سلامة صاحب مدونة لسه عايش صرخــــة ودي كانت تجربتي الثانية .... وبعدها دخلت في مرحلة عدم الاستقرار .. فقلت اعمل واحدة عاطفية وواحدة عامة ثم استقريت اني اعمل غاوي حرية اللي عيد ميلادها التدويني النهاردة.. والمدونة العاطفية اسمها

حكاية حب

بس بجد مدونة من الاخر .. ودي الجانب العاطفي في حياتي

وبعد هذا كله احب اقلكم عام سعيد وكل عام وانا وانتم الى الله اقرب وعلى طاعته ادوم

11 comments:

دواير said...

مش عارفة ليه كل ما اقرا بوست لحد بيحتفل بعيد ميلاد مدونه بقعد اتخيل..يااه هو ممكن أنا أبقى كده ومدونتي تكبر ويبقى عندها سنة وسنة ورا سنة ورا سنة يبقى أعمل عيد ميلاد مدونتي الخامس مثلا..يعني شوية بحس إني بحلم وشية بقول لا ان شاء الله هيحصل..لكن كل اللي اقدر اعمله اني ادعي ربنا لو بجد فيها خير يبقى احتفل بعيد ميلادها العاشر.....ز
ـــــــــــــــــــــــــــــــ
صحيح معلش قعدت اتكلم عن مدونتي ونسيت أقول كل سنة وانتي طيبة يا مدونة غاوي حرية وعقبال ميييييييييت سنة.......

paranoia,magnetic & dramatic girl said...

صباح الخير يامحمد
كل سنة ومدونتك طيبة
يارب دايما انت منورنا ومدونتك تنور عالم التدوين
...
انا نفسي بسرعة سنة تجري علي المدونة بتاعتي
دي الحاجة الوحيدة الي بقت شاغلة وقتي
المدونة والتدوين والمدونين والمدونات
(ورد كتييير عشان عيد ميلادها)
...
تحياتي يامحمد ودايما موفق يارب

ايمان @@ بنت الحرية said...

يااااااااااااااه سنة
بسم الله ما شاء الله ..عشان متقولش بحسدك ولا حاجة (وش بيضحك) ربنا يوفقك دايما
وعلى فكرة انا اول مرة اعرف بمدونة حريتى ودخلتها حلوة اوى بس قديمة شوية
كل عام ومدونتك فى تقدم دائم
وكل عام وعلى طاعة الله ادوم
ـــــــــ
عقبالى يارب

بحب كل الناس said...

اسف على التاخير اخويا العزيز وادعوا الله ان يزيدك كمان وكمان وتحتفل معاك بالعام المائه لمدونتك
الغالية يعم غاوى


واشكرك ثانية على ادائك

جزيت خيرا

اخوك ميرو المصرى

بحب الحياة
*حياة الحرية

غاوي حرية said...

دواير
******
ربنا يكرمك يا فندم ... وان شاء الله نباركلك بعيد ميلاد مدونتك العشرين كمان .. مش تقلقي ومرسي على مرورك

غاوي حرية said...

دودو
*****
صباح النور يا فندم نورتينا يا فندم ... ما تستعجليش ع السنة السنة بقيت تمر زي الهوا .. الايام ما بقاش فيها بركة ... وجزيتي خيرا على الدعاء

غاوي حرية said...

إيمان .. بنوتة الحرية
********************
نورتي يا اختنا العزيزة ... وربنا يبارك في حضرت ومش تقلقي انا عارف انك مش بتحسدي .. وكل عام وانتي الى الله اقرب .. وعقبالك يا فندم وبجد انا بيعجبني جدا كتاباتك

غاوي حرية said...

عمرو -- بيحب الحياة
******************
حبيبي وحبيب قلبي .. ازيك يا وااااد واحشني يا جمييل وازيك وازي الحاج يا ابني .. وجوزيت خيرا يا باشا ع المرور

ToOoKa said...

السلام عليكم ورحمة الله وبركاته
كل سنه وغاوى حرية بخير
وعقبال يارب ما كلنا ننعم بالحرية الحقيقة
ويارب تحقق كل اهدافك
لاحظت البوست العاطفى
دا ايه التغيرات دى بس

يارب تكون فى سعاده وحريه على طول

أختك توكا

غاوي حرية said...

ToOoKa
*******
السلام عليكم .. ازيك يا فندم ..يا رب تبقي بخير وحمدا الله ع السلامة لعالم التدوين ... فينك من زمان يا رب تكوني بخير .. ويا رب كل الناس يبقوا في الف خير وسعادة و جوزيتي خيرا ع المرور يا فندم

مواطن زهقان said...

يانجمااااااااااوى
الف الف مبروك على عيد ميلاد المدونه
وعقبال بقا عيدها الخمسين

ويلا بمناسبه عيد ميلادها عاوزه بوست جاااااااااامد