I HEART...

Tuesday, May 27, 2008

لبيك عبدي




دايما اوي بيعجبني حديث للنبي صلى الله عليه وسلم يقول فيه : " يرفع العبد يديه الى السماء وهو عاصي فيقول يا رب .. فتحجب الملائكة صوته فيكررها في الثانية ويقول يا رب فتحجب الملائكة صوته فيكررها في الثالثة ويقول يارب فتحجب الملائكة صوته فيكررها في الرابعة ويقول يا رب فيقول المولى عز وجل : الى متى تحجبون صوت عبدي عني لبيك عبدي لبيك عبدي لبيك عبدي لبيك عبدي "




يااااااااااااااا الله من يقول مين لبيك الله تعالى بعظمته وبجلاله والمتنزه عن كل شئ هو من يقول للعباد لبيك فاي رحمة واي حب هذا ولا يوجد ذلك الا في شرعه جل وعلا .. بقى مين يقول للتاني لبيك انا كل ما اقرأ الحديث ده أو أفتكره أحس اني صغير اوي احس اني مكسوف منه اوي هاقله ايه لو قبضني الان وانا قاعد اكتب الكلمات دي هقله ايه على ذنوبي اللي مالهاش اول من اخر... هقله ايه لما يسألني عن شبابي ... هقله ايه لما يسألني عملت ايه للإسلام ... هقله ايه لما يسألني عملت ايه للدعوة ... هقله ايه لما يسألني عن حق حمل الامانة اللي شايلنها كلنا فوق كتافنا مش حاسين بيها ... هقله ايه ولا ايه بصراحة مش عارف .. بس انا عارف هقله دلوقتي ايه عارفين هاقله يا رب انا ماليش غيرك وماليش سند غيرك ولا عفو يعفوا عني ذنوبي غيرك ولا رحمن رحيم يرحمني غيرك ولا تواب يقبل توبتي دي غيرك ولا طاهر يطهرني غيرك ولا قوي يقويني على طاعتك غيرك فليس لي الا انت يا رب يعدل لي حالي المقلوب في دنيا الغرور فاللهم يا رب يا رب يا رب يا رب اعفوا عن عبدا عصاك وتاب اليك واناب وإرزقني اللهم الفهم الصحيح لدينك والاخلاص في القول والعمل وثبات على الحق لا احيد وتجرد لا يشوبه شائبة وثقة تترسخ في قلبي وعقلي وطاعة تقبلني بها وترفعني عندك درجات واخوة صادقة لا لمصلحة ولكن يملؤها حب غير مشروط وتضحية لدينك تقبلني بها شهيدا وده اللي انا عايزه يا رب .. اللهم اني عبدك فلا تحرمني عطفك وحنانك وعفوك فأنت ارحم على الوليد من امه يا رب يا رب يا رب يا رب إقبلني وإقبل كل من ينوب ويتوب اليك يا رب العالمين وإرزقني زوجة كالمرضية في صلاحها وجمالها ويكون لها رجاحة عقل وتكون أوابة اليك لتعينني على طاعتك يا رب العالمين فاللهم آميييييين

15 comments:

بنت الحرية said...

امين يا رب العالمين
بجد دعاء اثر فى وكادت عيونى ان تفتح سيلا من الدموع
فيارب يارب يارب يارب ارحمنا برحمتك الواسعة

معاذ عبد الكريم said...

امين ربنا يتقبل يا اخي مدونة حلوة ربنا يبارك فيك

احمد مجدى الامين الحر said...

يا جماعة الى كل المدونين الاخوان ارجو يا جماعة ان الموضوعات اللى بتكتبوا فيها تكون بعيد عن الثوابت الخاصة بالجماعة احنا مش محتاجين نثبت للناس ان الجماعة فيها شورى وديقراطية هى كده بالفعل لكن للاسف بلاقى مدونين اخوان بيتكلموا عن تغيير المرشد واعضاء مكتب الارشاد وتغيير الشعار ايه ده ده كله كلام غير منطقى بالمرة ارجو موضوعات المدونات تكون خاصة بالجوانب التعبدية والاخلاقية والفكرية لكن نخبط فى كل حاجة كده ما ينفعش والله انا كرهت كل المدونات علشان كده وللاسف فى بعض ابناء الاخوان الله اعلم بيستغلوا شهرة والديهم وبيطلعوا تصريحات واراء خاصة بثوابت الجماعة وحاجات غريبة جدا بقول يا جماعة يا ريت ملكوش دعوة بالحاجات دى وكفاية كده الناس كلها بتشمت والصحافة والاعلام ما يصدق يلاقى واحد ولا واحدة من ابناء الاخوان المشهورين ياخد منه ولامنها راى ولا تصريح خاص بموضوع معين ارجو فى النهاية ومعلش انا طولت عليكو ان تهتموا بكلامى وتسامحونى وبارك الله فيكم جميعا

paranoia,magnetic & dramatic girl said...

امين يارب يامحمد
..
عارف احلي حاجة في اسمي اني بحس ان ربنا بيقلي لما يشتد كربك ادعي في السراء والضراء ادعي..والمفروض يكون لي حظ من اسمي واكون كثيرة الدعاء
...
جميل اوي البوست ده والي قبله يامحمد
انا ليا فترة مش بزور مدونات
بس دي تاني مدونة ادخلها بعد العودة
يارب تكون بخير
وربنا يستجيب دعائك ويطهر قلوبنا اجمعين
..
دودو

غاوي حرية said...

بنت الحرية
**********
اسعدني مرورك العطر وفعلا يا رب يا رب يا رب يا رب ارحمنا وتب علينا فاللهم آمييييييييين

غاوي حرية said...

معاذ عبد الكريم
**************
ربنا يتقبل منا ومنكم وربا يعزك على الاطراء ده ونورت يا ريس

غاوي حرية said...

أحمد مجدي الامين الحر
*****************
نورت يا فندم وبرغم ان حضرتك كاتب تعليق في مش مكانه وبفضل الله ومننته لم اقم بالتعرض لهذه الاشياء ولكن جوزيت خيرا اخي الكريم على التذكرة ولكن ادعوا الى سبيل ربك بالحكمة والموعظة الحسنة حبيبي .. مرة تانية نورت وعلى فكرة مدونتك جميلة ربنا يبارك فيك

ميرو المصرى said...

ربنا يبارك فيك اخى ويزيدك كمان وكمان و انا فى انتضارك فى مدونة بحب الحياةhttp://lovehayah.blogspot.com/

Hosam Yahia حسام يحى said...

ماشاء الله


ربنا يجعله فى ميزان حسناتك

Anas said...

الله يجزاآآك كل الخييير


تسلم


وحشتني مدونتكـ

أخي الحبيب

إسمح لي أخذ لفه في تدويناتك اللي فاتتني


تحياتي لكـ

سلاآآم

غاوي حرية said...

ميرو المصري
**********
نورت يا باشا .. ورحت مدونتك وحلوة البداية دي يا عموور وربنا معاك وادعيلي بقى جامد مووت لحسن اخوك محتاج الدعاء جدا

غاوي حرية said...

حسام يحي
*******
نورت يا جميل وربنا يتقبل منك ومنا

غاوي حرية said...

دودو
*******
أسف على التاخير في الردود مش ليكي بس لكل الناس بس بجد سامحوني وادعولي .. اما بقى عن ردك فجوزيتي خيرا وبجد هو ما فيش احلى من انك تتضرع اليه وتدعيله وترجوه وتستخيره وتبقى حياتك كلها ليه هو وبس ولا في حد عنده اعتراض ... ويلا بقى سلاموووووز يا فدم

غاوي حرية said...

anas
*****
يااه نورت يا فندم وربنا يعزك ... اتفضل يا فندم بيتك ومطرحك والله ولو عايز حاجة احنا تحت امرك .. واتمنى اشوفك عندي على طول .. وايه اخبار كراسة حضرتك انا كنت لسه فيها من شوية وعجباني جدا .. ربنا يتقبل ..ب س يا ريت يا فندم تبقى تبعتلي ردك على اللي انا كاتبه على الميل اللي في المدونة يا ريس mido_gam3a@yahoo.com
ونورت يا ريس .. دعواتك

Hosam Yahia حسام يحى said...

بوست جمييييييييل


ربنا يجعله فى ميزان حسناتكم