I HEART...

Wednesday, April 16, 2008

!!!!!!!!!!!!!!!!!!!


شكرا يا بلد ... شكرا يا حكومة ... شكرا يا شعب


لحد دلوقتي مش مصدق اللي حصل ده ولا مستوعبه ولكن لا تحسبن الله غافلا عما تصنعوا ايها الظالمون المحتلون


لا املك كلمات أقولها ولا اجد احرف تتناثر على ذهني كما كان في السابق


وأحمل في طيات عيني آهات وآلام


لا حدود لها

وهذا هو نعي مصر وشعبها .. والعزاء قاصر على تشييع الجنازة
فهل من مشيع
ولا مش هنلاقي حد يشيع البلد دي
يااااااااااااه
لكي الله يا مصر
ولكن
كلمة صغيرة
اثق تماما في الله انه طالما حدث ذلك اذن فقد اقترب موعد الصبح
وها نحن نرى الديك يقوم من تحت انقاض هذا الوطن
وينفض ما بقي عليه من تراب
لينتظر لحظة فيها يعلو صوته
بنبض يملأ الدنيا
ليعلو مؤذنا
الله اكبر من كيد الظالمين
فلقد جاء الصبح
!!!
!!
!

12 comments:

Unknown said...

محدش مستوعب اللى حصل والله

الناس دي ايه؟؟ ميعرفوش ربنا خالص ؟

كلا بل ران على قلوبهم

حسبنا الله ونعم الوكيل

ربنا على كل ظالم

وربنا يصبرهم ويصبر اهاليهم ويفرج عنا وعنهم جميعا

اوعى تفكر said...

حسبى الله ونعم الوكيل
مش عارف احنا هنفضل ساكتين لغاية امتى
لازم نثور على الطاغيه ده

تلميحاتى - يوسف الشافعى said...

حسبى الله ونعم الوكيل فيكم انتم معأوله زعلانين على سجن المحتكرين
طيب ايه رل؟أيكم نحسبها بالعقل
اللى انسجنوا دول عندهم من الفلوس اد ايه
وفيه كم فقير وغلبان فى البلددى
وهل همه فعلا معاهم ميساوى ميزانيه دوله ولا لا
طيب الفلوس الكتيره اللى معاهم دى مش كان ممكن ميكنزوهاش وينفقوا منها فىسبيل الله والوطن على الغلابه اللى مليين البلد
والله بجد حسبى الله ونعم الوكيل فيمن لايراعى الله ويكنز الذهب والفضه فى مجتمع مش لاقى ياكل

walaa rizk said...

كلنا مش مستوعبين اللى حصل

لكن الظالم فاكر انه هيخلد فيها

والله لقد لاح الصبح على الظهور والنصر قادم لامحاله

اما الاخ يوسف اللى بيقول حسبى الله ونعم الوكيل فينا احنا

هو لازم المسلم الملتزم يكون فقير

دا الصحايه كان فيهم ناس اغنيه جدا
سيدنا عثمان وسيدنا عبدالرحمن بن عوف

ومن قال لك انهم يكنزون الذهب

اتق الله فى ما تقوله

لو ذقت مراره الظلم والسجن ولو بالاحساس ماقلت هذا

اخى تفكر جيدا قبل ان تقول هذا الكلام

وانا لن اقول هم يفعلوا ويفعلوا

لان من ينفق فى سبيل الله لايحتاج ان تشكره الناس

غاوي حرية said...

حطم القيود
**********

جزاكم الله خيرا على زيارتك ويا ريت تبقى دايما عندنا .. ولكن والله كما قلت ان النور خلاص بدأ يطلع ويشقق باذن الله وفي النهاية " لا تحسبن الله غاقلا عما يعمل الظالمون " الله هو المنتقم اخي

غاوي حرية said...

أوعى تفكر
**********

اخي الكريم نورت يا ريس ولكن انت قلتها بنفسك وسميت مدونتك اوعى تفكر وبالتالي اوعى تفكر تثور ابدا لازم تبقى هادئ حتى في احلك الظروف والا من الممكن ان يحدث ما لا يحمد عقباه ابد فاهمني يا اخي ولا لا ولا نملك الا ان نقول حسبي الله ونعم الوكيل وان نصلح انفسنا وما بيننا وما بين الله وندعوا لهم باخلاص كي يفك الله اسرهم

غاوي حرية said...

الاستاذ يوسف
***********
اهلا بيك بس لو سمحت بلاش الاسلوب اللي حضرتك بتتكلم بيه ده .. يعني ايهمحتكرين دي .. ومين قالك اصلا انهم بيكنزوا شيئا دي حاجة اما الثانية هؤلاء الناس اشرف اناس في هذا البلد نحسبهم كذلك ولا نزكيهم على الله وبعدين حضرتك ما جربتش تبات ليلة في الحبس ابدا ولا حسيت بالاحساس ده ابدا لانك لو كنت حسيت بالاحساس ده ما كنتش فكرت تهاجم كده الناس اللي حضرتك بتتكلم عليها دي ايه يعني اللي جابرها ان يحصل فيها كل ده تقدر تقولي ** هاقلك انا الناس دي ارتضيت ان تحمل دعوة الله تعالى فحوربوا واعتقلوا بدل المرة مرتين وثلاثة وخمسة ومنهم من قضى معظم غمره في ظلمات سجون الحزب الغير وطني البيروقراطي منذ اول عهد عبد الناصر انتهاء بعهد هذا الرئيس الظالم ويكفيه هذا الرئيس دعوات المظلومين عليه ودعوات الاطفال والنساء ويكفيك انت ايضا ان تعلم انهم من ارادوا الخير لمصر والعالم ولولا هذا لما فعل فيهم ما فعل وهم من يحملون الخير باذن الله اينما كانوا ويكفيهم ان يكون الله غايتهم وارضاؤه هو املهم فاللهم ارضى عنهم وعنا
وفي النهاية يكفيك اخر كليمات كتبتها اختنا عاشقة الاقصى ردا عليك
أخي راجع نفسك ولا تتهم احدا بدون دليل واسف اا كنت اثقلت عليك
واتمنى تنورني مرة تاني

غاوي حرية said...

أختنا / عاشقة الاقصى
*******************

نورتي يا فندم مدونتنا المتواضعة وفعلا زي ما انتي قلتي انا دايما بقولها لاخواني ولاحبابي ان خلاص الفجر شقشق وبدأ ييجي النور بس لازم ضريبة لبزوخ النور وندعوا الله تعالى ان يستخدمنا ولا يستبدلنا فاللهم آميييييين يا رب العالمين ولمرة تانية نورتيني يا فندم ويا ريت مش تكون اخر زيارة

تلميحاتى - يوسف الشافعى said...

غاوى حريه اهلا وسهلا بيك
ان مايحدث على ارض الواقع لأكبر دليل على ماقلت ياأخى الا ترى معى ان هذه الجماعه الى الان لم تقدم شئ يذكر سوى اطعام الفم لتستحى العين كنت اتمنى منهم ان يساهموا بعمل المدارس والمستشفيات ورصف طريق فى قريه او نجع او فتح اماكن للعلاج المجانى مدام لديهم المال والامكانيات اردت لهم ان يملكوا القلوب ليس اطعام الفم وملا البطون واستغلال مايمر به الوطن والبروز كانهم هم المنقذين ...الم ترى انهم تخلو عن البلد فى غضبة 6 ابريل الا ترى انه يوجد تنسيق بينهم وبين الحكومه والا علام لم ينذلو للشارع على مستوى الجمهوريه فى مسيرات سلميه واكرر على مستوى الجمهوريه وليس فى محافظه واحده او اثنين اخى الوطنيه لاتحتاج الى السجن حتى احكم عليهم انهم هم فقط الشرفاء فى هذا الوطن الشاسع الايوجد غيرهم شرفاء فى هذا البلد انك تحكم عليهم مسبقا ان الوطن كله حراميه وهم فقط الشرفاء الا يكفى هذا بان تكون الجماعه كما قلت متسلطه اذ حكمت انت بنفسك انهم هم الشرفاء ومن دونهم ليسوا اكثر من مجموعة بهائم هم الاقدر على قيادتهم
ان جماعة الاخوان المسلمين من اسمهم ينفون عن الغير الاسلام وارتضوا لانفسهم ان يكونوا هم المسلمين ودونهم ملحدين

تلميحاتى - يوسف الشافعى said...

مصر ليست اخوان وفقط ولا مجموعه فاسده من السلطه والحزب الوطنى مع انى اتشرف بعضويتى فى الحزب الوطنى لانه كما به فاسدون فبه المصلحون الشرفاء
فلا يمكن ان نختذل وطن بأكمله بين جماعه لاتنظر الا لمصالحها سواء كانت محسوبه على السلطه او الاخوان وياسيدى العزيز فالاخوان هم افراد من الشعب المصرى نعرفهم جيدا ونعرف من يدخل الى السجن وهو فقير ويعود وكأنما كان فى رحله الى بنك مركزى
برجاء قراءة مدوناتنا جيدا واحكموا على مابها لاننا فى نهاية المطاف لانريد الا مصلحة هذا الوطن

تلميحاتى - يوسف الشافعى said...

كاتب التعليق الاخير
عبد الحميد الجوهرى

علم الهسس said...

كنت عاوز اسأل سؤال بس ما فيش حد يزعل
امتى النصر القريب دا؟
تعرف تحددلوا معاد؟
تعرف تحددلوا وسائل؟
تعرف تقيس ملامحه؟
ولا اهو كلام بنسكت بيه نفسنا عشان نعطى لأنفسنا مبررا للبقاء على ما نحن عليه
ارجو دراسة الواقع
ثم دراسة ما نملك
ثم تحدي الهدف الواقعى الذى نود تحقيقه
ثم نحدد الوسائل المؤدية لذلك
ثم تقيس ما فعلنا هل تحقق كله او جزء منه
ثم مراجعة الأخطاء
ثم العمل مع التصحيح

ارى اننا نعيش داخل غطار لا ننفك عنه، وهذا يجعلنا نكرر المأساة مراة عديدة
وربنا يفهمنا ويعلمنا