I HEART...

Tuesday, April 1, 2008

عجبي على شعب مصر

شعب فيه كل الصفات ... كل العبر ... كل الآهات ... القاصي والداني ... من يحمل هم بلده ومن يخاف على لقمة عيشه ولكن .. بجد عايز اقوله حاجة ... هو انت ليه كده ؟؟ وعلشان كده أثرت ان اوصفه بهذه الكليمات


وهي بعنوان



إصرخ يا شعــــــــــب


يا شعب ياللي بتنضرب وتقول كمان


البلد........... بلدنا بقت بتاع سجان


الكلمة منك تنعدم وتنكتم وتقول كمان


حرام عليك يا شعب .. موووووت


ولكن قبل ما تموت


اصرخ وقوول .. راح الفول


راحت البلد وراح كل شئ


راحت كرامتك وانت نايم


اصحى بقى .. وصحصح وفوق


اصرخ يا شعب


قلها بعلو الصوت .. بملأ الفا
ه


مش عايزين حاجة بتتقال


عايزين فعل وعيشة تما
م


يلا معايا .. يا ولاد بلدي


نضرب على كل الاحوال


والافعال


اللي بتقتل ... تضرب .. تسرق


تنهب .. تنهش .. وفي الاخر


تسجن .. تخنق


حتى الكلمة قتلتها كمان


حتى الدمع على الخدين هايكون


بكرة ورا القضبان


وبعد ده كله فاضل ايييييه ؟؟


فاضل كلمة مني ومنك


لجل بلدنا تبقى بخير


ويكبر فيها ابني وابنك


ويعيشوا فيها عيشة هنية


وتبقى حياتهم يا صلاة الزين


يلا معايا .. وقوم وياي
ا


لجل بلدنا تبقى عمار


يطلعوا منها ولاد ال (تييييت ) وتبقى


حياتنا من غير تيييت


تبقى في شرع المولى حياة


واي حياة ... دي أحلى حياة


وعشان


كله ده يحصل لازم


كل الناس في بيوتنا وفي شوارعن
ا


تخرج معانا وتقول لأ


على كل اللي بيحصل فين
ا


من ذل وغلا وتهدي
د


انت وهي وابني وابنك


لا تخاف قوة ولا تهديد


انت معاك المولى وحارسك


يالا معايا ... قوم واعلنها


لكل الناس


إننا شعب بإذن الله ما بننداس





**************

وبعد ده كله لازم أقول

عايز كل شئ قي بلدي يبقى بجد مش وهم في وهم وكمان عايز بلدي من غير تيييييييت

11 comments:

أحمد بلال said...

لن تستطيع أي قوة الوقوف أمام ثورة الجائعين اذا حدثت فهي ستاكل الأخضر و اليابس

غاوي حرية said...

نورت يا مصري ... ربنا يعزك اخي الكريم ع الزيارة

وفعلا محدش هايعرف يقف قدام الشعب ده لو حط ايدهم في ايد بعضهم ووقفوا قدام كل اللي بيحصل ده

همس الحياه said...

بجد كلمات جميلة ومعبرة ربنا يكرمك بس بجد احنا خلاص محدش هيقدر يعملنا حاجة لازم نتكلم لازم ناخد حقنا اللى اتسلب منا سنين وسنين واحنا سكتين بناكل ذل بنام بذل ونصى ونعيش ونموت حتى الموت بقى ذل خلاص مباق لها حل غير ان الكل يصرخ ويقول لا والف لا
لا زم نبقى زى ما قال محمود المليجى فى فيلم الارض كنا رجالة ووقفنا وقفة رجالة لا زم نبقى رجالة ونستعيد ذكريات الماضى
تحياتى وتقبل مروى

جمعاوى said...

مش الجدعنة إنك تحضر العفريت ..

الجدعنة إنك تعرف تصرفه

ربك يستر

paranoia,magnetic & dramatic girl said...

يارب تكون بخير
كلامك تمامز
بس المشكلة ان الاضراب ده انا متأكدة لو حصل من اساسه محدش هيستفاد بحاجة
ولا هنلاقي حد يسمع لنا كالعادة يعني
وعلي رأي جمعاوي الي كتب في التعليق
مش الجدعنة إنك تحضر العفريت ..

الجدعنة إنك تعرف تصرفه
...
تسلم يارب
ربنا يفك الكرب

غاوي حرية said...

همس الحياة
**********
السلام عليكم ورحمة الله وبركاته ... نورتيني يا فندم .. وبجد جوزيتي خيرا على الاطراء ده .. وبجد البلد بتولع بقالها فترة كبيرة يمكن تقريبا من سنة انتخابات 2005 لكن الان ازدادت شدة النار سعيرا ولكن يا ترى هل ستكون ايضا موجة غضب ونفسنا برده مش هايبقى طويل ومش هانقدر نكمل لحد اخر نقطة دم فينا عشان ناخد حقنا ولا ايه بالظبط .. ربنا يستر على البلد دي

غاوي حرية said...

جمعاوي روش طحن
***************

حبيبي وحبيب قلبي ازيك .. فينك يا عمنا نفسي اشوفك والله واتكلم معاك
--- نورت مدتي يا اخي ... وفعلا الجدعنة انك تصرفه .. تتوقع انه هاينصرف بسهولة ونفس الشعب ده هايبقى طويل لحد ما يصرف العفريت ولا هايبقى برده قصير زي ما بقاله كم كبير من السنين اللي فاتت دي ---- لكن انا لسه عندي امل ويقين في الله ان كلما اشتدت الظلمة كانت هذه بادرة ظهور بزوخ الفجر

غاوي حرية said...

أختنا / دودو
************
منورة يا فندم -- والحمد لله بخير وهذا بفضل ربنا سبحانه وتعالى ... وربنا يعزك ويا رب بجد يكون الكلام عجبكم -- وبعدين يا فندم الكلام مش ليه علاقة بالاضراب ولا اي شئ لكن ده وضع البلد من وجهة نظري بشكل عام .. ومتهيألي ان الاضراب ده على قد ما هو راعب الحكومة على انه ممكن يكون نسبة تاثيره ما تكونش كبيرة لكن لو بجد الشعب كله اتحرك فيها مش القوى السياسية بس .. هتكون خطوة كبيرة من الشعب ده ويبقى الامل بدا يرجع تاني وبدأ نور الفجر يشقشق ولا اييييييه

محاولة لكسر الصمت said...

ياااااااه...صدفة غريبة إني اقرا كلامك ده صباح يوم 6 ابريل....يمكن لو كنت قريته قبل كده ..كنت قلتلك ان كلامك ده صح واننا ان شاء الله هنفوق..لكن ولأني بقراه النهاردة وأنا ببص من الشباك شايفة الناس مالية الشوارع ولا كـأن فيه حاجة ..هقولك إن أحسن كلمة قلتلهل في زجلك الجميل ده..هي ...موووت..مووووت

مجرد حكاية said...

ياريت الشعب يحس ويطلع كل الي عندو عشان لو معملش كدا يبقي عوضي علي الله فيكي يامصر يام الدنيا قصدي يالي كنتي ام الدنيا وان شاء الله هترجعلها تاني..

Anas said...

جزاك الله كل الخير على مشاعرك الأليمة


بكل صراحة

يعجبني إبداعك في إنتقاء الحرف سيدي

بوركت أيها الحر.!

تحياتي لكـ