I HEART...

Sunday, July 15, 2007

خبر عاجل .. اصابني بصدمة اخرى

غير الصدمات اللي بيقابلها الواحد يوميا .. ولكن هذه الصدمة كانت لها نوع اخر ... تعالوا نعرف ايه هي
القبض على معتز منفى والجيزاوى بحبك يا مصر
تم إلقاء القبض صباحا على كل من المدون معتز عادل صاحب مدونة منفى
وأحمد الجيزاوى صاحب مدونة بحبك يا مصر
وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحاليت عسكريا
تحديث
تم الافراج عن معتز عادل ... وعقبال احمد الجيزاوي

Sunday, July 8, 2007

ابتسم انت في بلد ديمقراطي

ابتسم انت في بلد ديمقراطي

من كام يوم كده كنت في مشوار ناحية الجيزة وفجأة ركبت ميكروباص ولاقيت اتنين في العربية بيتكلموا عن حال البلد ... فتطفلت عليهم وقولتلهم ابتسموا انتم في بلد ديمقراطي فتعجبوا جدا من كلمتي وخافوا مني فلاحقت كلمتي هذه بهذا الكلام ... تعالوا نشوف ايه هو : يالا بينا


انتوا في بلد ديمقراطي ... فيها تنضرب وتلاقي اي واحد لابس زي ميري يبهدلك ويشتمك يبقى انت اكيد في مصر وهي دي الديمقراطية ... وفيها بتلبس احلى لبس وبتفتري على الحكومة اللي سهرانة ومعيشاك احلى عيشة وبتاكلك اكل غير ملوث ومحافظة على كل شئ حتى الشوراع مش بتكسرها ولا حاجة و وبتوفرلك انقى مياه ... وبتسهر طول الليل تحميك حتى بالامارة لو نزلت وسط البلد بليل مثلا حوالي الساعة 2 ص هتلاقي مثلا عسكري يا عيني عليه نايم على روحه وهو في خدمته قدام اي هيئة سواء بنك او اي شئ .. وغير كده بتسيبك تقول اللي في نفسك تعمل معارضة تعمل ام علي على راحتك وهي ليها اجراء تاني ... و بتوفر لكل شاب فرصة عمل وشقة علشان تسهلوا الجواز ... ولو رحت مكان زي السجل المدني مش بيطلعوا عينك ولا اي حاجة علشان تطلع ورقة رسمية ولا بيطلبوا منك فلوس ولا حاجة ... وبيحافظوا على البلد بالكليبات والاغاني قال ايه علشان ما يبقوش حرموا الشعب من حاجة ولا محتاجة ... ولا بيقفلوا مساجد ولا حاجة ... ولا بيعملوا اي حاجة تنفعك ... و كمان يا ناس بيعملوا مشاريع علشان يحافظوا على ارض البلد لكنهم بيبيعوا تراب البلد ... البلد اللي هي بلدك وبلدي وبلد الولد وولد الولد ... بالزمة بقى مش تبقى دي بلد ديمقراطي


وفي الاخر قلت كلمتين والدمعة بتنزل من عيوني :


يا شعب ياللي بتنضرب وتقول كمان

البلد........... بلدنا بقت بتاع سجان

الكلمة منك تنعدم وتنكتم وتقول كمان

حرام عليك يا شعب .. موووووت


Sunday, July 1, 2007


مين احنا ؟؟ وعايزين ايه ؟؟



قبل ما تعرفوا ونقولكم احنا مييييييين .. عايزين نقول كلمتين ليكم من عندنا .. وعلشان كده لازم تعرفوا
احنا ميين ؟؟

عايزين تعرفوا احنا مين ؟؟ .... بصوا جواكم هتلاقونا منكم وانتوا منا ... يعني احنا جزء منكم .. مش انتوا اللي جزء منا ... هو ده احنا .
بس احنا اللي هو انتوا عايزين بلادنا كلنا تبقى بلادنا .... مش بلاد غيرنا يا اهلنا وناسنا .. مش عايزين اللي من بره هو اللي يحكمنا ويمشينا
هو احنا ايه ؟؟ مش بشر زينا زيهم ولا ايه ؟؟ ولا هم يعني اكمنهم سرقونا وبيسرقونا واحنا نايمين وبينهبونا واحنا عارفين !!! لكن للاسف
ساكتين .. حاسس اننا متكممين .. متلجمين .. متربطين .. وخايفين .. وبنقول خلينا ماشيين جمب الحيط !! ومش بس كده لا جوه الحيط ..وكفاية
ان ربنا ساترها علينا قدام بابنا علينا مقفول بميت ترباس ... لكن احنا وقفنا وقولنا لا بعلو صوتنا وانضربنا واتشتمنا من اهلنا وناسنا علشان
احنا بندور على مصلحة بلادنا .. ايوه الله بندور على مصلحة بلادنا .. ومين احنا ؟؟ ده احنا انتم يا شعبنا واهلنا وناسنا ويا جيرانا ويا اصحابنا
عايزينكم تعيشوا في خير وسلام مش في رعب وتهديد ؟؟ و يكفيكوا شر المخبرين والنمامين والنقالين وغيرهم قولوا اميييييييين
عرفتوا بقى ياللي انتوا احنا ... احنا نبقى مييييين ؟؟



غاوي حرية




وبعد ما عرفتوا احنا مييييييين ؟؟ انتظروا منا كل ما هو شيق وممتع ومفييد وكمان جدييييييد .... مع تحيات :




غاوي حرية