I HEART...

Monday, October 8, 2007

ايوه هي دي مصر .. مش عاجبكم ولا ايه

مصر بلدنا وخيرها علينا ... ولو ما شربتش من نيلها وقلت تحنلها .. ولما تلاقي المخبر بيسحبك من قفاك ويطلع ( ..... ) ويضربك ويسحلك كمان ولو ممكن يعتقلك
يبقى انت اكيد ...اكيد في مصر

ولما تلاقي السياحة مضروبة ..وفلوسها كمان منهوبة ...يبقى انت اكيد .. اكيد في مصر


ولما تلاقي ماية النيل ملوثة ومليانة بلاوي زرقاء ..وبرده انت بتشرب منها .. يبقى
انت اكيد ..... اكيد في مصر

ولما تلاقي بلدنا عمرانة بالخير وبيتسرق ..ومع كل ده لسه فيها خير .. يبقى انت
اكيد ........ اكيد في مصر

ولما تلاقي الاعلام بتاع بلدك ازبل اعلام ...ودايما بينقل اللي بيتقاله عليه وبس .. يبقى
انت اكيد .......... اكيد في مصر

ولما تلاقي عمو العادلي بيموت اطفال بالتعذيب .. وكل اعوانه بيموتوا البشر .. يبقى
انت اكيد ... اكيد في مصر


وللحديث بقية .... بس يالا بقى سلامووز ..لحسن شكلي هسافر

وكل سنة وانتم طيبين

6 comments:

Anonymous said...

هى اغنيه مستفزه بس دا مش معناه ان مصر مفيهاش حاجه حلوه يعنى ولا انته ضلمتها خالص اكيد انته من قليوب

ابن رشد said...

لو رحنا كلنا و انت معانا و انا معاك يبقى احنا في مصر

غاوي حرية said...

السلام عليكم ... كل سنة وانتم طيبين يا رجالة ... وميرسي جدا على تواضعكم وزيارة مدونتي المتواضعة الجديدة ..

عمرو سلامة said...

ولما تلاقى رئيسها عنده 80 سنه يبقى انت اكيد اكيد فى مصر
ولما تلاقى حسنى بيحضن فى اولمرت يبقى انت اكيد فى مصر
ولما تلاقى الرشوة كترت والمحسوبيه على قفا من يشيل يبقى انت فى مصر
ولما تلاقى امن الدوله بيحبس المتدينين وبيعيق حركة الاسلام فى مصر يبقى انت اكيد فى مصر
ولما تلاقى التزوير على عينك يا تاجر يبقى انت اكيد اكيد فى ايجيبت ...
ولا ايه يا عم محمد ...
----
وحياتك المواصفات اللى انت كتبتها دى واللى انا زودت عليها دى .. بتأكد وبقوة اننا فى مصر ... وهذا هو وصف مصر لمن لا يعرف ...
وعمااااااااااار يا مصراوى منك له
وتشكرلى يا عم محمد موضوع جبار ...
وان شاالله مش تسافر احنا عايزينك والمدونة عايزاك ... واللى يقربلك نطخه .. انت مدون فى عالم المدونين ...يلا سلاموز على رايك ..
ههههه حبيب قلبى انت

أمير القلوب said...

السلام عليكم
كل عام وأنت بخير
وتقبل الله منا ومنكم صالح الأعمال
على فكرة مصر عجباني أنا عن نفسي
لأنها طلعت شباب زي الورد وغاويين حرية
وإن شاء الله حترجع أحسن من الأول
واللي مش عاجبه يسيبها ويمشي
تحياتي

غاوي حرية said...

وانا والله يا جماعة بعشق مصر وترابها وهواها وكل شئ فيها